بەغدا- INA
ئەمڕۆ دووشەممە، سەرۆکی ئەنجومەنی نوێنەران، هەیبەت حەلبووسی، لەگەڵ باڵیۆزی ئوسترالیا لە عێراق، گلین مایلز، باسیان لە پەیوەندییە دووڵایەنەکان و ڕێگاکانی بەهێزکردنی هاوکاریی نێوان هەردوو وڵات لە سەرجەم بوارەکاندا کرد.
نووسینگەی ڕاگەیاندنی سەرۆکی ئەنجومەنی نوێنەران، لە ڕاگەیەندراوێکدا کە دەستی ئاژانسی هەواڵی عێراقی (INA) کەوتووە، ڕایگەیاند: "سەرۆکی ئەنجومەنی نوێنەران هەیبەت حەلبووسی، ئەمڕۆ دووشەممە، پێشوازیی لە باڵیۆزی ئوسترالیا لە عێراق، گلین مایلز کرد".
ڕاگەیەندراوەکە ئاماژەی بەوەش کردووە: "لە دیدارەکەدا باسیان لە پەیوەندییە دووڵایەنەکان و ڕێگاکانی بەهێزکردنی هاوکاریی نێوان هەردوو وڵات لە سەرجەم بوارەکاندا کرد"، هاوکات لە کۆبوونەوەکەدا "پەرەسەندنەکانی بارودۆخی هەرێمی و نێودەوڵەتی، لەگەڵ چەندین بابەتی جێی بایەخی هاوبەش" تاوتوێ کران.