بەدواداچوون – INA
ئەمڕۆ دووشەممە، فەرماندەیی ئۆپەراسیۆنەکانی بەغدا، داخستنی پێنج کارگەی بەهۆی سەرپێچیکردنی مەرجە ژینگەیییەکان و لادانی چەند شوێنێکی کورەی حەلکردنی کانزاکانی لە ڕۆژهەڵاتی پایتەخت ڕاگەیاند.
لە ڕاگەیەندراوێکی فەرماندەییەکەدا کە دەستی ئاژانسی هەواڵی عێراقی (INA) کەوتووە، هاتووە: "لێژنەی فەرمانی دیوانی (241285) بە ئامانجی کەمکردنەوەی پیسبوونی ژینگە کە بەهۆی دەردانی گاز و ئەو بۆنانەی هاوشانی پرۆسەکانی بەرهەمهێنانن دروست دەبێت، و لە پێناو تەواوکردنی پرۆسەکانی داخستن و وردبینیکردنی (کارگەکان و کورەکانی حەلکردنی کانزاکان)ی بێ مۆڵەت، لێژنەکە بە هاوبەشی لەگەڵ مەفرەزەکانی (وەزارەتی ژینگە، دەزگای ئاسایشی نیشتمانی، پۆلیسی ژینگەی ڕەسافە) توانی پێنج کارگە دابخات کە سەرپێچیی ڕێنماییە ژینگەیییەکانیان کردووە و بێ ڕەزامەندیی فەرمی کاریان دەکرد".
ئاماژەی بەوەش کردووە: "چەندین شوێنی کورەی حەلکردنی کانزاکان لادران، ئەمەش بەهۆی ئەو زیانانەی کە دەیگەیەننە تەندروستی و سەلامەتیی هاووڵاتییان لە ناوچەی (سەبع قوسور) لە ڕۆژهەڵاتی پایتەخت".