بەغدا – INA
ئەمڕۆ دووشەممە، سەرۆکی ئەنجومەنی نوێنەران هەیبەت حەلبووسی، لەگەڵ وەزیری کارەبا عەلی سەعدی وەهێب، ئەو کێشانەیان تاوتوێ کرد کە ڕووبەڕووی کەرتی وزەی کارەبا دەبنەوە.
نووسینگەی ڕاگەیاندنی سەرۆکی ئەنجومەنی نوێنەران لە ڕاگەیەندراوێکدا کە بە دەست ئاژانسی هەواڵی عێراقی (INA) گەیشتووە، ئاماژەی بەوە کردووە: "سەرۆکی ئەنجومەنی نوێنەران هەیبەت حەلبووسی، ئەمڕۆ دووشەممە، پێشوازی لە وەزیری کارەبا عەلی سەعدی وەهێب کرد، و بە ئامادەبوونی سەرۆکی ئەنجومەن و پارێزگاری نەجەفی ئەشرەف، باسیان لە ژمارەیەک کێشە و تەحەدی کرد کە تایبەتن بە کەرتی وزە، کە لە میانی سەردانەکەیدا بۆ پارێزگاکە گوێی لێ گرتبوون؛ ئەمەش بە مەبەستی دۆزینەوەی چارەسەری بەپەلە لەگەڵ لایەنە پەیوەندیدارەکاندا".