بەدواداچوون - INA
ئەمڕۆ دووشەممە، سەرۆکی ئێران مەسعوود پزیشکیان، جەختی کردەوە کە لەم قۆناغەی ئێستادا لەپێشینەی کارەکانی وڵاتەکەی خۆی لە بەهێزکردنی ئاسایشی نیشتیمانی و مسۆگەرکردنی ئارامیی گەلدا دەبینێتەوە.
پزیشکیان ڕایگەیاند: "دیپلۆماسی و بەرگری دوو باڵی هێزی نیشتیمانین"، جەختیشی کردەوە کە "وڵاتەکەی گۆڕەپانی مەیدانی جێنەهێشتووە و لە مێزی گفتوگۆکانیش نەکشاوەتەوە".
ئاماژەی بەوەشکرد کە: "ئێران بە یەکڕیزی و ژیرییەوە لەم تاقیکردنەوەیەش بە سەربەرزی دێتە دەرەوە"، پاشان جەختی کردەوە کە "ئێران بە توانایەکی بەهێزەوە بەردەوام دەبێت لە بەرگریکردن لە مافەکانی گەلەکەی و لەبەردەم هیچ هەڕەشەیەکدا پاشەکشە ناکات".