بەغداد - INA
کاربەڕێکەری باڵیۆزخانەی ئەمریکا لە بەغداد، جۆشوا هاریس، ئەمڕۆ سێشەممە، پشتگیری وڵاتەکەی و سەرۆکی ئەمریکا دۆناڵد ترەمپی بۆ حکومەتی عێراق دووپات کردەوە، و ستایشی ڕێکارەکانی قەتیسباردنی چەکی لە دەستی دەوڵەتدا کرد.
نووسینگەی ڕاگەیاندنی ڕاوێژکاری ئاسایشی نیشتمانیی لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه : "ڕاوێژکاری ئاسایشی نیشتمانی، قاسم ئەعرەجی، پێشوازی لە کاربەڕێکەری باڵیۆزخانەی ئەمریکا لە بەغداد، جۆشوا هاریس کرد، و هەردوولا کۆی بارودۆخەکەیان لەسەر هەردوو ئاستی هەرێمی و نێودەوڵەتی و دواین پێشهاتەکانی ناوچەکە تاوتوێ کرد".
لە دیدارەکەدا، هەردوولا ستایشی "بڕیارەکەی چوارچێوەی هەماهەنگی (الإطار التنسيقي)یان کرد کە پاڵپشتی لە ڕێکارەکانی حکومەت دەکات بۆ قەتیسباردنی چەک لە دەستی دەوڵەتدا، لەگەڵ جەختکردنەوە لەسەر ئەوەی کە بەیاننامەکەی چوارچێوەی هەماهەنگی بە نەخۆشە ڕێگەیەک دادەنرێت بۆ سەقامگیری وڵات و دوورکەوتنەوە لە هەر شتێک کە زیان بە ئاسایش و سەقامگیری عێراق بگەیەنێت".
لەم چوارچێوەیەدا هاتووە: "هەروەها لە دیدارەکەدا، باسی بەردەوامی هاوکاری و هاوبەشی نێوان عێراق و ویلایەتە یەکگرتووەکان، و پەرەپێدانی پەیوەندییە دووقۆڵییەکان کرا، بەپێی بەرژەوەندییە هاوبەشەکانی هەردوو وڵات".
ئەعرەجی بۆ کاربەڕێکەری باڵیۆزخانەی ئەمریکا، "هەڵوێستی نەگۆڕی عێراقی سەبارەت بەو ململانێیانەی لە ناوچەکەدا بەڕێوەدەچن نوێکردەوە، و جەختی لەسەر وەستانەوەی عێراق لەگەڵ ڕێڕەوی ئاشتیانەدا کردەوە، بەپێی ئەوەی کە نەریتەکان و دیپلۆماسیەتی نێودەوڵەتی نەخشیان کێشاوە".
لەلایەن خۆشییەوە، کاربەڕێکەری باڵیۆزخانەی ئەمریکا "پشتگیری حکومەتی ئەمریکا و سەرۆک ترەمپی بۆ حکومەتی عێراق دووپات کردەوە"، و ئاماژەی بەوە کرد کە "ویلایەتە یەکگرتووەکان پشتگیری لە عێراقێکی سەربەخۆ بە سەروەرییەکی تەواوەوە دەکات، و دەیەوێت ئابووری و گەشەپێدان بزوێنەری سەرەکی و کاریگەر بن بۆ عێراق و گەلەکەی".
هەروەها "پشتگیری خۆی بۆ ڕێکارەکانی قەتیسباردنی چەک لە دەستی دەوڵەتدا" دووپات کردەوە، و بەیاننامەکەی چوارچێوەی هەماهەنگی بە "بازدانێکی جۆری لە ڕێگەی چەسپاندنی سەربەخۆیی و سەروەری بۆ داهاتووی گەشی عێراق" وەسف کرد.