نێودەوڵەتی – INA
کۆشکی سپی ڕایگەیاند کە دۆناڵد ترامپ، سەرۆکی ئەمریکا مەرسوومێکی واژۆ کردووە بۆ هەموارکردنی ڕسووماتی گومرگی لەسەر هەندێک لە هاوردەکراوەکانی مس، ئەلەمنیۆم و ئاسن.
ڕاگەیەندراوەکە ڕسووماتی سەر هەندێک لەو بەرهەمانە کەم دەکاتەوە کە لە داتاشراوەکانی پۆڵا و ئەلەمنیۆم دروستکراون، لەوانەش جۆرە مادیارەکانی ئامێرە کشتوکاڵییەکان، ئامێری گەرمکەرەوە، ساردکەرەوە (تەکییف) و هەواگۆڕکێی نیشتەجێبوون، بۆ ١٥٪ لە کاتێکدا پێشتر ٢٥٪ بوو.
کۆشکی سپی لە بەیاننامەیەکدا ئاماژەی بەوە کردووە کە مەرسوومەکە ئامێرە پیشەسازییە گەڕۆکەکان، وەک شۆفڵ و ڕافیەی شۆکەیی ، دەخاتە ژێر بارى ڕسووماتی گومرگیی ١٥٪ "کاتێک لەو وڵاتانەوە هاوردە دەکرێن کە ڕێککەوتنی بازرگانیی شایستەیان لەگەڵ ویلایەتە یەکگرتووەکاندا هەیە".
هەروەها مەرسوومەکە کۆمپانیا بیانییەکان شایستە دەکات بۆ بەدەستهێنانی ڕسووماتی ١٠٪ ئەگەر "ئامێرە سەرمایەیییەکانیان لانی کەم ٨٥٪ی پۆڵا یان ئەلەمنیۆمی تواوە و ڕێژراو لە ویلایەتە یەکگرتووەکاندا لەسەر بنەمای کێش لەخۆبگرێت".
مەرسوومەکە دوو پۆلی نوێ لە بەرهەمە داتاشراوەکانی پۆڵا و ئەلەمنیۆمی هاوردەکراو زیاد دەکات کە دەخرێنە ژێر ڕسووماتی ٢٥٪، ئەوانیش ڕەفەکانی پۆڵا و تابلۆکانی چاپکردنی لیتۆگرافی کە لە ئەلەمنیۆم دروستکراون.
هەموارکردنەکان لە ڕۆژی هەشتی ئەم مانگەدا بەسەر ئەو کاڵایانەدا جێبەجێ دەبن کە هاوردە دەکرێن یان لە کۆگا گومرگییەکان دەردەهێنرێن.
کۆشکی سپی ڕاشیگەیاندووە کە ئەم گۆڕانکارییانە تا ٣١ی کانوونی یەکەمی ٢٠٢٧ بەردەوام دەبن "بۆ هاندانی وەبەرهێنانە کورتخایەنەکان کە بنکەی پیشەسازیی ویلایەتە یەکگرتووەکان سەرلەنوێ بنیاد دەنێنەوە".
سەرچاوە: ڕۆیتەرز