بەغدا - INA
عەلی فالح زەیدی، سەرۆک وەزیران، ئەمڕۆ پێنجشەممە جەختی کردەوە کە حکومەت کار دەکات بۆ دۆزینەوەی چارەسەری واقیعی کە باشترکردنی بارودۆخی دانیشتوانی خانەکانی لە بەساڵاچووان و بێ باوکان دەستەبەر بکات.
نووسینگەی ڕاگەیاندنی سەرۆک وەزیران لە ڕاگەیەندراوێکدا کە بۆ ئاژانسی هەواڵی عێراقی (INA) نێردراوە ڕایگەیاند: عەلی فالح زەیدی، سەرۆک وەزیران، پێشوازی لە ژمارەیەک لە دانیشتوانی خانەی لە بەساڵاچووان و بێ باوکان کرد. تێیدا زەیدی پیرۆزبایی جەژنی قوربانی پیرۆزی لە ئامادەبووان کرد، و هیوای خواست ئەم جەژنە ببێتە مایەی ئاشتی و سەقامگیری لە سەرتاسەری عێراقدا ..
ڕاگەیەندراوەکە ئاماژەی بەوەش کرد، زەیدی بە گرنگییەوە گوێی لەو تێبینی و پێشنیارانە گرت کە خرانەڕوو، و ڕوونیکردەوە کە ڕێکارەکانی پێشوو سەبارەت بە بارودۆخی منداڵانی بێ باوک و بەساڵاچووان لە خانەکانی چاودێریدا چارەسەری بنەڕەتییان بەدی نەهێناوە سەرەڕای دەستنیشانکردنی کێشەکان، جەختیشی کردەوە کە کار دەکات بۆ دۆزینەوەی چارەسەری واقیعی کە باشتربوونی بارودۆخیان دەستەبەر بکات.
زەیدی جەختی کردەوە کە ئەم هەوڵانە نوێنەرایەتی ئەرکێکی شەرعی دەکەن بەر لەوەی ئەرکێکی نیشتمانی بن، جگە لەوەی ئەرکێکی مرۆیین بۆ لە خۆگرتنی باوک ە رۆڵەکانمان، و دابینکردنی هەموو پێداویستی و داواکارییەکانیان.
بەگوێرەی راگەیەندراوەکە، سەرۆک وەزیران فەرمانی دیارەکردنی نوێنەرێکی کرد لە خانەکانی بەساڵاچووان و بێ باوکان بۆ پەیوەندیی ڕاستەوخۆ لەگەڵ شەخسی خۆی، بە مەبەستی دەستنیشانکردنی کێشەکان بە وردی، و دانانی چارەسەری واقیعی و کردەیی کە شیاوی جێبەجێکردن بن