بەغدا ـ INA
ئەمڕۆ دووشەممە، سەرۆکی هاو پەیمانیی هێزەکانی دەوڵەتی نیشتمانی، سەید عەممار حەکیم، لەگەڵ سەرۆکی تۆڕی ڕاگەیاندنی عێراقی، کەریم حەممادی، واقیعی ڕاگەیاندن و ئەو ئەرکانەی کەوتوونەتە ئەستۆی تۆڕەکەی تاوتوێ کرد.
لە ڕاگەیەندراوێکی نوسینگەی ڕاگەیاندنی سەرۆکی هاو پەیمانیی هێزەکانی دەوڵەتی نیشتمانیدا کە بە دەست ئاژانسی هەواڵی عێراقی (INA) گەیشتووە، هاتووە: سەرۆکی هاو پەیمانیی هێزەکانی دەوڵەتی نیشتمانی، سەید عەممار حەکیم، لەگەڵ سەرۆکی تۆڕی ڕاگەیاندنی عێراقی، کەریم حەممادی کۆبووەوە.
ئاماژەی بەوەشکرد کە دیدارەکە باسی لە تاوتوێکردنی واقیعی ڕاگەیاندنی عێراقی و ئەو ئەرکانە کردووە کە کەوتوونەتە ئەستۆی تۆڕەکە وەک دامەزراوەی ڕاگەیاندنی فەرمیی دەوڵەت، و جەختی کردەوە لەسەر گرنگیی ئەوەی کە تۆڕەکە ئاوێنەیەکی ڕاستەقینەی سەرجەم عێراقییەکان بێت، و ڕەنگدانەوەی پێداویستی و ڕۆشنبیری و داخوازییەکانیان بێت.
سەید حەکیم داوای کرد کە بایەخی پێویست بدرێت بە پرسەکانی گەنجان، و ئاماژەی بەوە کرد کە ئامارە فەرمییەکان دەیسەلمێنن گەنجان فراوانترین توێژی کۆمەڵگەی عێراقی پێکدەهێنن، ئەمەش وا دەخوازێت گوتارێکی ڕاگەیاندن هەبێت کە ڕەنگدانەوەی بیرۆکە و تاتۆڕەکانیان بێت.
جەختیشی کردەوە لەسەر گرنگیی وەبەرهێنانی وزە مرۆییەکان و کاراکردنی کادیران بۆ پاڵپشتیکردنی ڕێڕەوی ڕاگەیاندنی نیشتمانی، و ئاماژەی بە ڕۆڵی سەرەکیی گوتاری ڕاگەیاندن کرد لە بەهێزکردنی پەیوەندییەکان لەگەڵ وڵاتانی دراوسێدا.
هەروەها جەختی لەسەر گرنگیی پەیوەندیکردن لەگەڵ سەنتەرەکانی توێژینەوە و پسپۆڕان لە بوارە جیاجیاکاندا کردەوە، و داوای لە تۆڕی ڕاگەیاندن کرد کە سەرپەرشتیی چالاکییە زانستی و کۆمەڵایەتییەکان بکات و میوانداریی ئەو شارەزایانە بکات کە توانای پێشکەشکردنی چارەسەریان بۆ کێشە هاتووەکانی پێشەوە هەیە.
ئاماژەی بە پێویستیی هەماهەکردنی کارەکانی ڕاگەیاندن لەگەڵ دەستەی ڕاگەیاندن و گەیاندن، وەزارەتی گەیاندن، سەندیکای ڕۆژنامەنووسان و نوسینگەکانی ڕاگەیاندن لە سەرجەم وەزارەتەکانی عێراقدا کرد، بە شێوازێک کە بەشدار بێت لە یەکخستنی گوتارەکە و گەیاندنی بە کۆمەڵگە، لە هەمان کاتدا جەختی لەسەر گرنگیی ڕووبەڕووبوونەوەی بیرۆکە دۆخیلەکان و دیاردە کۆمەڵایەتییە نەرێنییەکان کردەوە، و ئاماژەی بە ڕۆڵی گەورەی دراما و فیلمە دۆکیۆمێنتارییەکان لەم بوارەدا کرد.