بەغداد – INA
سەرۆکی ئەنجومەنی باڵای ئیسلامی، شێخ هەمام حەموودی، ئەمڕۆ شەممە جەختی لەوە کردەوە کە چوارچێوەی هەماهەنگی هێڵی سوورە و هیچ شوێنێک بۆ ئەو هاوپەیمانێتییانە نییە کە هەڕەشە لە یەکڕیزی و تۆکمەییەکەی دەکەن.
شێخ حەموودی لە گوتارێکدا لە میانی دیداری گفتوگۆدا کە ئاژانسی هەواڵی عێراقی (INA) بەدواداچوونی بۆ کردووە، ڕایگەیاند: "هاوپەیمانێتییەک بە ناوی (بەهێزەکان - الأقوياء) بوونی نییە، و هەرکەسێک لە چوارچێوەی هەماهەنگی بچێتە دەرەوە خۆی زیانمەند دەبێت"، ئاماژەی بەوەش کرد کە "چوارچێوەی هەماهەنگی هێڵی سوورە، و هیچ شوێنێک بۆ ئەو هاوپەیمانێتییانە نییە کە هەڕەشە لە یەکڕیزی و تۆکمەییەکەی دەکەن."
ئەوەشی خستە ڕوو: "هەر هاوپەیمانێتییەک لە دەرەوەی چوارچێوەی هەماهەنگی ڕەتکراوەیە، و یەکڕیزیی چوارچێوەکە لە بەرژەوەندییە کاتییەکان باڵاتر و بەردەوامترە"، ڕوونیشیکردەوە کە "تەواوکردنی کابینەی وەزاری دەبێت سەرەتا لە ڕێگەی تەبایی و ڕێککەوتنی هێزەکانی ناو چوارچێوەی هەماهەنگییەوە تێپەڕێت."
لە درێژەی قسەکانیدا وتی: "هەڵەکانی ڕابردوو دووبارە ناکەینەوە، و ئەو کەمپینە ڕاگەیاندنانەی کە هەوڵی لێکترازانی ڕیزە نیشتمانییەکان دەدەن لە ناو چوارچێوەی هەماهەنگیدا، دەبێت بەرپەرچ بدرێنەوە"، جەختیشی کردەوە کە "یەکڕیزیی چوارچێوەی هەماهەنگی لەپێشینەیەکی نیشتمانییە و هەر هەنگاوێکی کتوپڕ لە دەرەوەی ئەو چوارچێوەیە، بەدوورە لە واقیعی سیاسی."
ئاماژەی بەوەش کرد: "ئەنجومەنی نوێنەران بەرپرسیارێتی تەواو هەڵدەگرێت لە چاودێریکردنی ڕێڕەو و کارەکانی حکومەت لە قۆناغی ئێستادا."