بەغدا - INA
هەیبەت حەلبووسی، سەرۆکی ئەنجومەنی نوێنەران، ئەمڕۆ پێنجشەممە، سەرکۆنەی هێرشەکانی ئەم دواییەی کرد کە کرانە سەر سعوودیە و ئیمارات.
حەلبووسی لە پۆستێکدا لە سەکۆی (X) کە ئاژانسی هەواڵی عێراقی (INA) بەدواداچوونی بۆ کردووە ڕایگەیاند: سەرکۆنەی ئەو هێرشانەی ئەم دواییە دەکەین کە کرانە سەر هەردوو وڵاتی برای شانشینی عەرەبستانی سعوودیە و دەوڵەتی ئیماراتی عەرەبی یەکگرتوو.
وتیشی: لە کاتی کۆبوونەوەمان لەگەڵ سەرۆک وەزیران عەلی فالح زەیدی، جەختمان لە هەڵوێستی نەگۆڕی عێراق کردەوە بۆ ڕەتکردنەوەی بەکارهێنانی خاکی عێراق یان بەکارهێنانی ئاسمانەکەی بۆ هێرشکردنە سەر وڵاتانی عەرەبی برا و وڵاتانی هەرێمی دۆست، ئاماژەی بەوەش کرد کە ڕێککەوتن کرا لەسەر پێکهێنانی لیژنەیەک بۆ لێکۆڵینەوە لەم هێرشانە، لەگەڵ پێویستی گرتنەبەری هەموو ڕێکارە یاساییەکان بەرامبەر تێوەگلاوان
جەختیشی کردەوە لەسەر چاوپۆشی نەکردن بەرامبەر هەر کەسێک یان گروپێک کە هەوڵی هەڕەشەکردن لە ئاسایشی عێراق و ناوچەکە و تێکدانی سەقامگیرییەکەی بدات.