بەدواداچوون - INA
وەزارەتی دەرەوەی ئێران، ئەمڕۆ چوارشەممە، جەختیکردەوە: بە نیازی چاکەوە دانوستان دەکات، هەروەها ڕایگەیاند: دەبێت لایەنی ئەمریکی جدییەتی خۆی لە دانوستانەکاندا بسەلمێنێت.
گوتەبێژی وەزارەتی دەرەوەی ئێران، ئیسماعیل بەقایی، لە لێدوانێکدا بۆ تەلەفزیۆنی فەرمی ئێران، کە ئاژانسی هەواڵی عێراقی بەدواداچوونی بۆ کردووە، ڕایگەیاند: "گۆڕینەوەی نامەکان لە نێوان تاران و واشنتن لەسەر بنەمای دەقە ئێرانییەکە کە لە ١٤ بەند پێکهاتووە، بەردەوامە".
وتیشی: "ئێمە بە نیازی چاکەوە دانوستان دەکەین و دەبێت لایەنی ئەمریکی ڕژدیی خۆی لە دانوستانەکاندا بسەلمێنێت"، ئاماژەی بەوەشکرد کە "سەردانەکەی وەزیری ناوخۆی پاکستان بۆ ئێران بۆ ئاسانکارییە لە گۆڕینەوەی نامەکاندا".
راشیگەیاند: "لە ئێستادا سەرنجمان لەسەر کۆتاییهێنان بە جەنگە لە سەرجەم بەرەکاندا بەتایبەتی لە لوبنان"، وتیشی: "ئەگەر لایەنی بەرامبەر سوور بێت لەسەر داواکارییە زیادەڕۆکانی، ئەوا دەکرێت بگوترێت دپلۆماسییەت ئەنجامەکانی بەدەست نەهێناوە".
بەقایی سەرنجی بۆ ئەوەش ڕاکێشا کە "گەمارۆی دەریایی ئەمریکا، پێشێلکردنی ڕێککەوتنی ڕاگرتنی شەڕە و پێچەوانەی یاسای نێودەوڵەتییە".