بەغدا – INA
ئەمڕۆ دووشەممە، ئەنجومەنی سیاسیی نیشتمانی، جەختی لەسەر گرنگیی خێراکردن لە پێکهێنانی حکومەتی نوێ کردەوە.
نووسینگەی ڕاگەیاندنی پارتی تەقەدوم لە ڕاگەیەندراوێکدا کە دەست ئاژانسی هەواڵی عێراقی (INA) کەوتووە، ڕایگەیاند: "ئەنجومەنی سیاسیی نیشتمانی، ئێوارەی ڕۆژی دووشەممە، کۆبوونەوەیەکی فراوانی بە ئامادەبوونی سەرکردەکانی ئەنجومەن و ئەندامانی فراکسیۆنی پەرلەمانی ئەنجامدا، لە میانی کۆبوونەوەکەدا، باس لە دوایین پێشهاتە سیاسییەکان کرا و جەخت لەسەر گرنگیی خێراکردن لە پێکهێنانی حکومەتی نوێ کرایەوە".
ئەوەشی خستە ڕوو: "هەروەها لە کۆبوونەوەکەدا گفتوگۆ دەربارەی وەرەقەی ڕێککەوتنی سیاسی و کارنامەی وەزاری کرا".