بەغدا - INA
ئەمڕۆ هەینی، دەستەی دەسپاکی، دەستگیرکردنی (8) فەرمانبەری بەهۆی سەرپێچیکردن لە ئەرکە وەزیفییەکانیان بە مەبەستی بەرژەوەندیی کەسی لەسەر حسابی دەوڵەت و زیانگەیاندن بە دارایی و بەرژەوەندیی ئەو لایەنەی تێیدا کاردەکەن، ڕاگەیاند.
دەستەکە لە ڕاگەیەندراوێکدا کە دەست ئاژانسی هەواڵی عێراقی (INA) کەوتووە، ئاماژەی بەوە کردووە کە "تیمی کارکەر لە هۆبەی دەستبەسەرداگرتن و لێکۆڵینەوە لە نووسینگەی لێکۆڵینەوەی نەجەف، کە چوونەتە یەکێک لە فەرمانگەکانی شارەوانی، توانیویانە یاریدەدەری بەڕێوەبەری شارەوانی و ڕووپێوەرێک (مساح) دەستگیر بکەن؛ ئەمەش لەسەر پاشخانی ڕێکخستنی پشکنینێکی وەهمی بۆ یەکێک لە خانووبەرە (عقار)ە گرنگەکان بە پێچەوانەی ڕاستی؛ بە مەبەستی تۆمارکردنی بەناوی کەسێکەوە، لەبری ئەوەی لە زیادکردنی ئاشکرادا بفرۆشرێت بۆ زیادکردنی داهاتەکانی شارەوانی، ئاماژەی بەوەش کردووە کە خانووبەرەکە زەوییەکی بەتاڵ بووە."
ئاماژەی بەوەشکرد: "لە چالاکییەکی جیادا، (6) بەرپرس و فەرمانبەری لیژنەی کڕین لە کارگەی چیمەنتۆی نەجەف دەستگیرکران؛ دوای ئەوەی ڕاپۆرتی هۆبەی وردبینی دەرەکی لە نووسینگەی دەستەی پارێزگاکە ئاشکرای کرد کە هەستاون بە کڕین و دابینکردنی کەرەستەی بیناسازی بە بڕی (96) ملیۆن دینار،" ڕوونیشیکردەوە کە "زیادەڕۆیی لە نرخەکانی کڕیندا هەبووە، جگە لەوەی کڕینی هەمان کەرەستەیان بۆ چەند بەشێک دابەش کردووە."
ئەوەشی خستە ڕوو کە "تۆمەتبارە دەستگیرکراوەکان لە هەردوو چالاکییەکەدا، کە بەپێی ماددەکانی (331/340) لە یاسای سزادان جێبەجێ کراون، ڕووبەڕووی دادوەری دادگای لێکۆڵینەوەی نەجەفی تایبەت بە کێشەکانی دەسپاکی کراونەتەوە؛ ئەویش بڕیاری ڕاگرتنیانی (توقیف) لەسەر ذیمەی لێکۆڵینەوە داوە."
سەرچاوە: INA