وەرزش – INA
یانەی ئارسناڵ بۆ جاری دووەم لە مێژوویدا گەیشتە یاریی کۆتایی خولی پاڵەوانەکانی ئەوروپا، دوای ئەوەی ئێوارەی سێشەممە بە ئەنجامی گۆڵێکی بێوەڵام لە یانەی ئەتلەتیکۆ مەدریدی بردەوە، لەو یارییەی کە لە یاریگەی "ئیمارات" لە چوارچێوەی گەڕانەوەی قۆناغی پێش کۆتایی بەڕێوەچوو.
تاکە گۆڵی ئارسناڵ لە لایەن بوکایۆ ساکا لە خولەکی (٤٤) تۆمارکرا، بەمەش "گەنەرز" گەیشتە یاریی کۆتایی بە سوودوەرگرتن لە یەکسانبوونی یاریی چوون کە هەفتەی ڕابردوو لە ئیسپانیا بە ئەنجامی (١-١) کۆتایی هاتبوو.
ئارسناڵ لە یاریی کۆتاییدا چاوەڕێی براوەی یارییەکەی سبەینێ دەکات، کە لە نێوان پاریس سان جێرمانی پاڵەوانی وەرز و بایەرن میونشن بەڕێوەدەچێت.