بەغدا - INA
ئەمڕۆ دووشەممە، دەستەی پاراستنی کۆمەڵایەتی لە وەزارەتی کار و کاروباری کۆمەڵایەتی، نوێکردنەوەی زیاتر لە 1,900,000 کارتی نیشتمانی ڕاگەیاند، داواش لەو سوودمەندانە دەکات کە هێشتا داتاکانیان نوێ نەکردووەتەوە، پەلە بکەن لە تەواوکردنی پرۆسەکە لە ماوەیەکدا کە لە 3 ڕۆژ تێپەڕ نەکات.
سەرۆکی دەستەکە، ئەحمەد موسەوی، لە ڕاگەیەندراوێکدا کە دەستی ئاژانسی هەواڵی عێراقی (INA) کەوتووە، ڕایگەیاند: "دەستەکە لە چوارچێوەی هەوڵەکانیدا بۆ بەرزکردنەوەی وردی داتاکان و دەستەبەرکردنی گەیاندنی خزمەتگوزارییەکان، نوێکردنەوەی زیاتر لە (1,915,703) کارتی نیشتمانی لە ناو بەرنامەکانی هاوکاریدا ئەنجامداوە"، ئاماژەی بەوەش کرد کە "ژمارەی ئەو سوودمەندانەی تا ئێستا داتاکانیان نوێ نەکردووەتەوە گەیشتووەتە (127,770) کەس".
موسەوی داوای لەو سوودمەندانە کرد کە هێشتا پرۆسەکەیان تەواو نەکردووە، "پەلە بکەن لە نوێکردنەوە لە ماوەیەکدا کە زیاتر نەبێت لە 3 ڕۆژ، ئەویش لە ڕێگەی داخڵکردنی ژمارەی کارتی نیشتمانی لە ڕێگەی سەکۆی ئەلیکترۆنی (مظلتي)"، هۆشداریشی دا کە "دواکەوتن لە نوێکردنەوە لە ماوەی دیاریکراودا، ڕەنگە ببێتە هۆی ڕاگرتنی ڕێکارەکانی پەیوەست بە هاوکارییەکەوە".
جەختیشی کردەوە کە "پاپەندبوون بە نوێکردنەوە هاوکار دەبێت لە بەردەوامبوونی خەرجکردنی پاڵپشتییەکان بەپێی ڕێنماییە پەسەندکراوەکان و دادپەروەری لە دابەشکردنی هاوکارییەکان لە نێوان شایستەکاندا بەهێزتر دەکات".