بە وێنە .. ئەنجومەنی نوێنەران مەراسیمێکی بۆ یادکردنەوەی شەهیدبوونی سەید محەمەد محەمەد سادق سەدر ساز کرد

بەغداد – INA – ویسام مەلا

ئەنجومەنی نوێنەرانی عێراق، ئەمڕۆ چوارشەممە، مەراسیمێکی بۆ یادکردنەوەی شەهیدبوونی سەید محەمەد محەمەد سادق سەدر و هەردوو کوڕەکەی، ساز کرد.

پەیامنێری ئاژانسی هەواڵی عێراقی ڕایگەیاند: "لە مەراسیمەکەدا جێگری یەکەمی سەرۆکی ئەنجومەنی نوێنەران عەدنان فەیحان، لەگەڵ ژمارەیەک لە ئەندامانی پەرلەمان بەشدار بوون."

عەدنان فەیحان، جێگری یەکەمی سەرۆکی ئەنجومەنی نوێنەران، لە وتارێکدا لە کاتی مەراسیمە ماتەمینییەکەدا بەبۆنەی ٢٨ەمین ساڵیادی شەهیدبوونی ئایەتوڵای عوزما سەید محەمەد محەمەد سادق سەدر، کە پەیامنێری (INA) ئامادەی بوو، وتی: "سەرەخۆشیتان لێ دەکەین بەبۆنەی ساڵیادی شەهیدبوونی سەید محەمەد محەمەد سادق سەدر و هەردوو کوڕەکەی، کە تا ئێستاش وتەکانی لە دەروونی نەتەوەدا ئامادەییان هەیە و ڕووناکین. ئێمە کاتێک ئەم یادە دەکەینەوە، ئەو بەها و بنەمایانە بەرز ڕادەگرین کە سەید شەهید چاندنی لە ڕێگەی ئەنجامدانی نوێژی هەینییەوە کە پەیام و وێستگەی دەسپێک بوو لە ویژدانی نەتەوەدا."

ئاماژەی بەوەشکرد: "وتەکانی سەید شەهید سەدر بەرهەمی خۆیان هەبووە و تا ئێستاش بەردەوامن، جگە لە ڕێنماییە چاک و بەردەوامەکانی لە ویژدانی نەتەوەدا."