بەغدا – INA
سەرۆکی هاوپەیمانی هێزەکانی دەوڵەتی نیشتمانی، سەید عەممار حەکیم و سەرۆکی هاوپەیمانی خدمات، شبل زەیدی، ئەمڕۆ سێشەممە، تاوتوێی شایستە دەستوورییەکانی پەیوەست بە پێکهێنانی حکومەتیان کرد.
نووسینگەی ڕاگەیاندنی هاوپەیمانی هێزەکانی دەوڵەتی نیشتمانی لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه : "سەرۆکی هاوپەیمانی هێزەکانی دەوڵەتی نیشتمانی، سەید عەممار حەکیم لە نووسینگەی خۆی پێشوازی لە شبل زەیدی، سەرۆکی هاوپەیمانی خزمەتگوزاری کرد؛ لە دیدارەکەدا پەرەسەندنەکانی دیمەنی سیاسی لە عێراق و ناوچەکە و شایستە دەستوورییەکانی تایبەت بە پێکهێنانی حکومەت تاوتوێ کران."
بەپێی راگهیندراوهكه، سەید حەکیم جەختی کردووەتەوە لەسەر "پێویستیی پێکهێنانی حکومەت لە ماوەی دەستووریی دیاریکراودا"، هەروەها جەختیشی لە "گرنگیی یەکخستنی هەوڵە نیشتمانییەکان کردووەتەوە بۆ پاراستنی دەستکەوتەکان و پێکهێنانی حکومەتێک کە خاوەن دەسەڵاتی تەواو بێت و بتوانێت ڕووبەڕووی تەحەدییەکانی ئێستا ببێتەوە."
لەسەر ئاستی ناوچەکەش، سەید حەکیم جارێکی تر داوای کرد "شەڕ دژی کۆماری ئیسلامی ئێران بە شێوەیەکی گشتگیر و کۆتایی بوەستێنرێت"، جەختیشی لە گرنگیی دیالۆگ کردەوە وەک تاکە ڕێگە بۆ گەڕاندنەوەی سەقامگیری بۆ ناوچەکە و جیهان.