بەغدا - INA
عەممار موسا کازم، ئەمینداری بەغدا و سەرۆکی لیژنەی فەرمانی دیوانی (٢٥٠٥٧٦)، ئەمڕۆ سێشەممە، سەرۆکایەتی کۆبوونەوەیەکی تایبەتی کرد بۆ تاوتوێکردنی قۆناغی نۆژەنکردنەوەی شەقامی ڕەشید و زیندووکردنەوەی سیمای نژیاروانییە ناوازەکەی.
ئهمانهی بەغدا لەراگەیندراوەكەدا ئاژانسی هەواڵی عێراقی(INA) كەوتووە تێیدا ڕایگەیاند: "عەممار موسا کازم، ئەمینداری بەغدا، سەرۆکایەتی کۆبوونەوەی لیژنەی تایبەت بە بەدواداچوونی قۆناغی سێیەمی دەستپێشخەری ( نبض بغداد)ی کرد، بە ئامادەبوونی ڕاوێژکاری سەرۆک وەزیران بۆ کاروباری ڕۆشنبیری و ئەندامانی لیژنەکە و نوێنەرانی لایەنە پەیوەندیدارەکان."
له راگهیندراوهكه ئاماژه بهوهیش كراوه كه: "لە کۆبوونەوەکەدا تاوتوێی قۆناغی نۆژەنکردنەوەی شەقامی ڕەشید و دووبارە زیندووکردنەوەی سیمای نژیاروانییە تایبەتەکەی و باشترکردنی ژێرخانەکەی کرا، بەجۆرێک کە پێگەکەی وەک ناوەندێکی ئابووری و ڕۆشنبیری بەهێز بکات و بەشدار بێت لە گەشەپێدانی گەشتیاریی کەلەپووری ".
ئهمانهی بەغدا جەختی کردەوە کە "بە هەماهەنگی لەگەڵ لایەنە حکومییەکان و ڕابیتەی بانکە ئههلییهكان عێراق، بەردەوامە لە هەوڵەکانی بۆ نەهێشتنی ئاستەنگەکان، نۆژەنکردنەوەی تەلارە کەلەپوورییەکان، و پەرەپێدانی کەنارەکانی ڕووباری دیجلە و ڕوکاری سەر ڕووباری ناوەندی مێژوویی بەغدا، ئەمەش لە چوارچێوەی دیدگایەکی گشتگیر بۆ زیندووکردنەوەی کەلەپووری ئاوەدانی لە پایتەختدا."