شەفەق نیوز/ بەکتریای گەیە یەکیگە لەو بیماریایلە فرە کەس تویشی بوون وە مدوو خواردن خواراک پیس و چەن هووکار ترەک، کە بڕیگ نیشانەیل بیزارکەر دیرێد.
دکتۆر کامەران رەسوڵ ژاژڵەیی، پسپۆڕ زانست خوەراک لە بڵاوکراوەیگ دیاری گرنگترین نیشانهیل بەکتریای گەیە کردیە، وەی جویرە:
1.دڵقەڵبەوین بوین فرەیگ و وەردەوام.
2.ناو زگ ژان وە تایبەت گەیە ژان.
3.دڵەکزە و ترشەڵۆک فرەو گلەوخواردن ترشەڵۆکی گەیە ئەرا سویرنجگ و قورگ و ناو دەم.
4.نەمەنن ئیشتها یا کەمی ئیشتها.
5.داوەزیان کێش و لاوازی.
6.هەوکردن گەیە وریخەلوی دوانزهگرێ زگچین و ئەلاوردن.
7.پەنام زگ وەتایبەت دویای خواردن و زیای بوین غازات.
8.زەردەوبوین پوس و دەم و چەو یا رەنگ وەپی نەمەنن.
- هاتێ لە قۆناغەیل پیشکەفتی بیماریەگە ئێ نیشانەیلە دەربکەفید:
1.کەمخوینی فرە.
2.وە زەحمەت قویتدان خواردن ونوشەمەنی.
3.دەرکەفتن خوین لە پیسایی یا سیاوە بوین رەنگی پیسایی.
4.تەنگەنەفەسی و زوی شەکەت بوین.
5.بەدخوەراکی و کەمی ڤیتامین و کانزاگان.
6. ناو زگ ژان وەردەوام و فەرە گاژاریگ ژانە سینگ.