شەفەق نیوز/ عەبدولفەتاح سیسی سەرۆک کۆمار میسر و تەمیم بن حەمەد بن خەلیفە ئال سانی ئەمیر قەتەر، ئمڕوو شەممە، رەسینە بەغدا ئەرا بەشداریکردن لە 34ەمین لوتکەی عەرەبی کە ئمڕوو دەسوەپی کەێد.
لە فڕۆکەخانەی ناودەوڵەتی بەغدا وەلایەن فوئاد حسێن، جێگر سەرۆکوەزیرەیل عراق و وەزیر دەیشت عراق پیشوازی لەلیان کریا، هەمیش عەبدولەتیف ڕەشید، سەرۆک کۆمار عراق و محەمەد شیاع سودانی، سەرۆک وەزیرەیل عراق بەشداری لە کۆشکی حکومەت کردن، کە میوانداری گردەوبوینەیل لوتکە کەێد.
ئمڕوو شەممە، سی و چوارەمین لوتکەی کۆمەڵەی عەرەبی لە بەغدا وە بەشداری سەرکردە و وەرپرسەیل عەرەبی لە چوارچمگ روشوینەیل ئەمنییە تونود دەسوەپی کەێد، لە دانیشتن دەسپێک کووبونەوەگە وتارەیل عراق خوەنرێدەو، دویای وەرگردن پۆست سەرۆکایەتی لوتکەکە لە بەحرەین، بیجگە لە وتەیل ئەمینداری گشتی کۆمەڵەی عەرەبی و سەرکردە بەشداربویەیل.