شەفەق نيوز/ ئیسماعیل قائانی فەرماندەی فەیلەق قودس لە سوپای پاسداران ئیران، ئمڕوو چوارشەممە، وە سەردانیگ فەرمی، رەسیە بەغداد.
قاسم ئەعرەجی سڵاکار ئاسایش نەتەوەیی عراق، لە پۆستیگ لەبان پلاتفۆرم ئێکس وت: پیشوازی لە ژەنیڕاڵ ئیسماعیل قائانی فەرماندەی فەیلەق قودس ئیرانی کردیمن، و وەگەردیا باس شیوەیل گەشەپیدان پەیوەندییەیل عراق و ئیران، و تەقەلایل هاوبەش ئەرا قایمکردن سنوور، و گامەیل جیوەجیکردن بەندەیل رێککەفتن ئەمنی ناوەین دوو وڵات کردیمن.
وتیش: دووپات لەبان گرنگی سەرکەفتن دانوسەنین ناوەین واشینتۆن و تەهران کریا، و پابەندبوین گشتی وە گفتوگۆ و ئارامی و نەرمی ئەرا رەسین وەرەو ئارامی وەردەوام لە ناوچەگە
بڕیارە رووژ شەممەی ئایندە، عراق میوانداری لویتکەی عەرەبی وە چاپ ئیسەی بکەێد، وە ئامادەبوینیگ دیبلۆماسی لە شاندەیل عەرەبی.
هەرلە مەحمود مەشهەدانی سەرۆک ئەنجومەن نوێنەرەیل، و محمد شیاع سودانی سەرۆک وەزیرەیل، رووژ سێشەممە، رێککەفتن لەبان یەکخستن وتار سیاسی لە لویتکەی عەرەبی وەشیوەیگ ئەرێنی، و دووپات لە پاڵپشتیکردن پرس فەلەستینی و غەززە کردن.