شەفەق نیوز/ فەرمانگەی تەندروسی پارێزگای کەرکوک، ئمڕوو پەنجشەممە، رەدیکرد هویچ تویش هاتن نوویگ وە بیماری تەو خوینوەربوین توومارکردبوین ئەرا مناڵیگ 11 ساڵان، دووپاتیکرد ئیرنگە رێژەی تویتشهاتن لە پارێزگاگە سفرە.
وەڕێوەبەر تەندروسی گشتی کەرکوک ئەرجان محەمەد رەشید وە ئاژانس شەفەق نیوز وت، "قسەیل لەباوەت تویشهاتن مناڵیگ وە تەو خوینوەربوین ناراسە، فەرمانگەگە هویچ تویشهاتن دووپاتکریاگ وە بیماریەگە توومارنەکردیە".
وتیش" شمارەی مردنەیل کە پارێزگاگە توومارکریاس رەسیە ئەرا 4 پسای لەماوەی وەرین، لەناویان فەرمانبەریگ پیاگ و فەرمانبەریگ ژن لە فەرمانگەی تەندروسی کرکوک هەس" دیاریکرد "تا ئیسە هویچ مردن نوویگ توومارنەکریاس".
ئاشکرایکرد "ریوشوینەیل تەندروستییەیل، وە هەماهەنگی وەگەرد دەزگایەیل حکومەت، وەتایبەت ئەوانەگ پەیوەندیی وە بەرەنگاربوون سەربڕین بی جیاوازی و چاودێریکردن قەساوەیل و کوشتارگەیل دیرێد، بەشداریییگ وەرچەوکردیە لە سنووردارکردن بڵاوبوین بیماریەگە لەناو پارێزگاگە".
لە عراق، لە گوزەشتە وەزارەت تەندروسی توومارکردن زیاتر لە 160 حاڵەت پشتڕاستکریاگ تەو خوینوەربوین لەسەرەتای ساڵ 2025ەوە راگەیان، لەناویان 40 حاڵەت گیانلەدەسدان کە فرەیان لە پارێزگایەیل باشوور زیقار، میسان و بەسرە رویدانە.