شەفەق نیوز/ شار ناسریە و بەسرە وەگەرد شکستخواردن بەرشەلۆنە دوو رویداو جیا توومارکردن کە وە مردن کەسیگ و زەخمداری دوو کەس وە چەقوو کۆتایی هات.
سەرچەوەیگ ئەمنی وە ئاژانس شەفەق نیوز وت "هاوڵاتیگ پەنجا ساڵان لەناوڕاس شار ناسریە مرد لەدویای ئەوەگ لەناوکاو تویش نۆڕەی دڵ تێد لەوەر نوڕینە بازی تیم بەرشەلونەی ئیسپانی کە لە وەرانوەر ئنتەرمیلان ئیتاڵی دۆران لە پێشبڕکەیل خول پاڵەوانیەتی ئەوروپا".
دیاریکرد "پیایەگە هاندەر تیم کتالۆنی بویە و لە کۆتایی بازیەگە تەندروسی تێک چگە".
باوجی لە پارێزگای بەسرە، سەرچەوەیگ ئەمنی ترەک خەوەردا لە رویدان مەراف تونیگ وە چەقوو لەناوەن شارەگە، لە ئەنجام دوو کەس زەخمداربوین.
وتیش؛ "یەکیگ لە زەخمدارەیل 24 ساڵ تەمەنیە دەس راسی وە چەقوو دریڵسە لێ، ئەوەکەش تەمەنی 30 ساڵانە وە چەقوو لە زگ و دەس راسی دریایە" دیاریکرد "هەردوگیان ئەرا چارەسەرکردن کلکریانەس خەستەخانە، لایەنەیل ئەمنی دەسکردنەسە لێکۆڵینەوە لە چۆنیەتی رویداوەگە".