شەفەق نیوز/ وەزارەت داد عراق، ئمڕوو چوارشەممە، ئازادکردن 1750 زیندانی راگەیان لە بەغداد و پارێزگایەیل ترەک لەماوەی مانگ نیسان گوزەشتە، کە فرەیگیان یاسای وەخشین گشتی گردیەسانەو.
وەزارەتەگە لە بەیانامەیگ رەسیە ئاژانس شەفەق نیوز ئاشکرایکرد، "(289) زیندانی ماوەی سزاگەیان کۆتایی هاتیە یا وەپای یاسای جیاکاری ئازادکریانە، و (1461) زیندانی وەپای یاسای وەخشین گشتی ئازادکریانە".
وەزارەتەگە دووپاتکرد "فەرمانگەی چاکسازی وەردەوامە لە چەودێری گشت رێکارەیل ئازادکردنەگە، ئەرا مسۆگەرکردن جیوەجیکردنی لەدویای گردەوکردن داواکاریەیل یاسایی، لە چوارچمگ پابەندبوین وە یاسا و جیوەجیکردن ئەرکەیل یوەپای رێسا یاسایەیل پشت وەپی بەسیاگ".