شەفەق نيوز/ سەرچەوەیگ ئەمنی لە نەینەوا، ئمڕوو دووشەممە، خەوەردا لە توومارکردن دوو خوەیکوشتن لە دوو ناوچەی جیاجیا لە پارێزگاگە، لە ماوەی 24 ساعەت گوزەشتە.
سەرچەوەگە ئەرا ئاژانس شەفەق نیوز وت: گەنجیگ لە تەمەن 21 ساڵان وە گولە داد لە سینەی خوەی لە ناو ماڵەکەی لە ناحیەی بەعشیقە خوەڕهەڵات موسڵ و گیانی لەدەسدا، وتیش: لێکۆڵینەوەی سەرتایی نشان دەێد کە وەقسەی کەسوکارەیلی گیچەڵ دەروینی داشتگە.
وتیش: ژنیگ لە تەمەن 52 ساڵە لە ناحیەی سنۆنی سەروە قەزای شنگال وە خواردن دەرمان لەناوبردن مەلوموور خوەی کوشت، و کەسوکارەیلی وانیە زیان دەروینی داشتیە.
سەرچەوەگە وتیش: دوو تەرمەگە ئەرا پزشک دادوەری موسڵ بریان، ئەرا تەواوکردن ریکارەیل یاسایی.