شەفەق نيوز/ سەرچەوەیگ ئەمنی لە بەغداد، ئمڕوو شەممە، خەوەردا لە پەیاکردن تەرم پیاییگ کە تا ئیسە ناسنامەی نەزانیاس، ئەوەیش لە نزیک پیەڵ جادریە لەناوڕاس بەغداد پایتەخت.
سەرچەوەگە ئەرا ئاژانس شەفەق نیوز وت: مەفرەزەیل پولیس، تەرم پیاییگ نەناسیای پەیا کردن کە نزیک پیەڵ جادریە لەناوڕاس بەغداد فڕە دریاس.
سەرچەوەگە وتیش: هویچ شوین زەخمیگ لەقەی لاشەی پیاوەگە دیار نەوی، ئەرا پزشک دادوەری بریا تا بناسنەی و بیەنەی دەس خاوەنی.
لە پارێزگای کەرکوک، سەرچەوەیگ پزشکی خەوەردا لە مردن کابرایگ مەدەنی لە ئەنجام تریشقە بە یەکیگ لە ئاوایەیل باکوور پارێزگاگە.
سەرچەوەگە ئەرا ئاژانس شەفەق نیوز وت: رویداوەگە لە ئاوای حەسار بویە سەروە قەزای داقووق کە تریشە داد لە کەسیگ هەناێ لە شوین وازیگ بویە، کە دەسوەجی گیانی لەدەسدا.
وتیش: تیمەیل فریاکەفتن تەرم قوربانیەگە ئەرا پزشک دادوەری بردن ئەرا تەواوکردن ریکارەیل یاسایی.