شەفەق نيوز/ سەرچەوەیگ ئەمنی لە پارێزگای کەرکوک، ئمڕوو شەممە، خەوەردا کە دزیگ نەناسیای، زنجیرەیگ دزیکردن جیوەجی کردگە لە چوار ماڵ لە ناوچەی واحد حوزەيران نزیک مەیدان کوچک ولم، لە ماوەی یەک رووژ.
سەرچەوەگە ئەرا ئاژانس شەفەق نیوز وت: یەکیگ لە دزیەیلی بایی سێ ملیۆن دینار وەگەرد کلکوانەیگ تەڵا و مۆبایلیگ بویە، ئەوەیش لە یەکیگ لەو چوار ماڵە کە لە خود کویچەگە دزی لەلییان کریا.
وتیش: جیوەجیکردن گشت دزیەیل وەیەک شیوە بویە، کە نشان دەێد هەر یەی دزە، و لایەنەیل ئەمنی لێکۆڵینەوە لە رویداوەگە واز کردن.
سەرچەوەگە داوا لە دانیشتگەیل کرد وریا بوون، و وەکوتپڕ ئاگادار پولیس بهەت لە جموجویلیگ گومانی.