شەفەق نيوز/ سەرچەوەیگ ئەمنی لە پارێزگای زیقار، ئمڕوو جمعە، خەوەردا لە کوشیان و زەخمداری چوار کەس لە ئەنجام رویداویگ هاتوچو دڵتەزن لە شار ناسریە ناوەند پارێزگاگە.
سەرچەوەگە ئەرا ئاژانس شەفەق نیوز وت: رویداویگ هاتوچو کەفتە ناوەین دوو ماشین (ترێلە و ساڵۆن) لەبان ری سەرەکی لە ناوچەی تەل لەحم، کە بویە هوکار کوشیان کەسیگ و زەخمداری سێ کەس ترەک.
وتیش: مردیەگە و زەخمدارەگە خەڵک پارێزگای نەجەف بوین، کە تەرمەگە ئەرا پزشک دادوەری بریا و زەخمدارەیل ئەرا خەسەخانە.