شەفەق نيوز/ چوار کەس مەدەنی، شەوەکی ئمڕوو جمعە، لە ئەنجام کەفتن تابلۆی پرۆپاگاندای کەورەیگ لە جادەی بەغداد ناوڕاس شار کەرکوک زەخمدار بوین، ئەوەیش لە ئەنجام زریان خوەڵوتووز تونیگ لە پارێزگاگە.
سەرچەوەیگ پزشکی لە فەرمانگەی تەندروسی کەرکوک ئەرا ئاژانس شەفەق نیوز وت: ئەو زەخمدارەیلە ئەرا خەسەخانەی کەرکوک بریان، و زەخمەیلیان لە سووک تا ناوڕاس بوی، و هانە ژیر چەودیاریکردن.
سەرچەوەگە وتیش: تونی ئەو زریان خوەڵوتووزە ئاست نووڕستن رەسانە نزیک نەمان، کە پارچەی تابلۆی پرۆپاگاندای ئاسنین خستە بان بڕیگ لە ریوارەیل.
وتیش؛ لایەنەیل پەیوەندیدار لێکۆڵینەوە لە رویداوەگە واز کردن، ئەرا رەسین وە بندروسی، و دڵنیایی لە بیوەیی چەسپانن تابلۆیل پرۆپاگاندا.