شەفەق نیوز/ دەسەی گشتی کەشناسی و زەویلەرزەناسی عراق، ئمڕوو پەنجشەممە، ئاشکرایکرد لەماوەی مانگ نیسان 60 زەویلەرزە توومارکریاس کە زیاتر لە چارەکیگیان لە عراق رویدانە.
دەسەگە لە راپۆرتیگ مانگانەی خوەی لەباوەت زەویلەرزە و نەخشەی چالاکی زەویلەرزەیل لە عراق و ناوچەیل دەوروگەردی رەسیەس وە ئاژانس شەفەق نیوز راگەیان، شمارەی ئەو زەویلرزەیلە لەماوەی مانگ نیسان دایەس لە عراق 60 زەویلەرزەس و لەو شمارە 16 زەویلەرزە لەناو عراق بویە.
دیاریکرد، 27 زەیلەرزە لەناو ئیران رویدایە (کرمانشان، لورستان، و کوردستان، خوزستان، و ئیلام و شوینەیل ترەک) نزیک لە سنووری وەرد عراق.
11 زەویلەرزەیش لەناو تورکیا (ڤان و هەکاری و بتلس)توومارکریاس کا هاوسنوور عراقن و 4 لەرزەش لە کوەیت و 2 لەرزە لە سوریا.
دەسەگە وتیش، هاز لەرزەیل لەناوەین 1 – 4.1 پلە بوینە، لە قویڵایی 2 - 35كم بویە.
دیاریکرد چالاکی زەویلەرزەیل وەشیوەی ئاشکرایگ لە مانگ نیسان لە پارێزگای سلێمانی (دەربەندیخان، و هەلەبجە) 6 لەرزە و لە پارێزگای کەرکوک (داقوق) 3 لەرزە، و 3 لەرزەش لە پارێزگای دهۆک (زاخۆ و سمێل و ئامێدی)، 2 لەرزەیش لە پارێزگای هەولێر (سۆران) و 2 لەرزە لە پارێزگای دیالە (خانەقین)بویە.
ئاشکرایکرد، ل کوو گشت راپۆرتەیل هاتگ لەباوەت زەویلەرزەیل مانگ نیسان هویچ زەردیگ گیانی لە ناوچەگە وە مدوو زەویلەرزە توومارنەکریاس.