شەفەق نیوز/ سەرچەوەیگ پزیشک لە فەرمانگەی تەندروسی نەینەوا، ئمڕوو پەنجشەممە، خەوەردا دویەم حالەت تویشهاتن دووپاتکریاگ وە تەو خوینوەربوین لە پارێزگاگە توومارکریا لەدویای 24 ساعەت لە توومارکردن پسایگ گومان لێکریاگ.
سەرچەوەگەوە ئاژانس شەفەق نیوز راگەیان "تویشبویەگە پیایگ تەمەن 47 ساڵانە دانشتگ کویچەی زەهرا لە شار موسڵە، لە بڕوار 29 نیسان لەدویای دەرکەفتن نیشانەیل لەلی کلکریاسە خەستەخانە".
وتیش: "ئەنجام وشکینەیل تاقیگەیی کە لە تاقیگەی ناوەندی ئەنجامدریاس ئمڕوو دووپاتکزد تیشهاتنە وە تەو خوینوەربوین، ئیرنگە خریاسە ژیر چەودێری پزیشکی و لە یەکیگ لەدەزگایەیل تەندروسی تایوەت چارەسەر وەرگرێد".
دیاریکرد، "فەرمانگەی تەندروسی چەودێری پساگە کەێد لە چوارچمگ رێکارەیل خوەپارێزی، کارکەێد ئەرا توومارکردن هەر پسایگ ترەک وە هەماهەنگی وەرد لایەنەیل پەیوەنیدار".