شەفەق نيوز/ سەرچەوەیگ پزشکی لە فەرمانگەی تەندروسی نەینەوا، ئمڕوو چوارشەممە، خەوەردا کە خەسەخانەیل پارێزگاگە یەک مردن و13 زەخمداری توومار کردن، لە ئەنجام 10 رویداو هاتوچو لە ماوەی 24 ساعەت گوزەشتە، لە ناوچەیلیگ جیاجیا لە شار موسڵ و چەن قەزا و ناحیەیگ.
سەرچەوەگە ئەرا ئاژانس شەفەق نیوز وت: خەسەخانەیل نەینەوا، لەناوی یەک رووژ، 13 زەخمدار لە ئەنجام رویداوەیل هاتوچو وەرگردن، وەگەرد توومارکردن یەک مردن.
سەرچەوەگە دیاری کرد کە رویداوەیل لەناوەین لەیەکەودان و پلیان ماشینەیل و رویداوەیل تلیان بەستەر لەناویان یەک تلیان بویە هوکار کوشیان کەسیگ لە گەڕەک جامیعە لەلای چەپ موسڵ.
وتیش: تیمەیل پزشکی وەگورەی ریکارەیل فریاکەفتن وەگەرد زەخمدارەیل رەفتار کردن، و ئەرا خەسەخانەیل پارێزگاگە کلکریان تا چارەسەری وەرگرن، و لایەنەیل پەیوەندیدار لێکۆڵینەوە لەو رویداوەیلە واز کردن، ئەرا رەسین وە بندروس بەرزەوبوین رویداوەیل وەیجویرە.