شەفەق نيوز/ سەرچەوەیگ ئەمنی، ئمڕوو چوارشەممە، خەوەردا کە وەزارەت ناوخۆ دەسکرد وە جیوەجیکردن ریکارەیل یاسایی لەلاه خانمیگ وەناو "كوافێر تالين" و توومەت بڵاوکردن باوەت ئاست نزم.
سەرچەوەگە ئەرا ئاژانس شەفەق نیوز وت: دەسەی ناوەڕۆک نزم لە وەزارەت ناوخۆ، ئەو ریکارەیلە لەبان "تالين" جیوەجی کرد، لەبان دەرچگنی لە پارچەی پەخش زنی لەبان سۆشیال میدیا، و نمایشکردن وینەیلیگ بی ئەغمازی.
لە شوبات 2023ەو تا ئیسە، چەن ریکارەیگ یاسایی وەبان چەن کەسیگ جیوەجی کریا کە توومەتبارن وە بڵاوکردن باوەت نزم، کە یاداشت دەسگیرکردن و فەرمان زیندانیکردن لەناویان بوی.
وەزارەتەگە سەکوویگ دروس کرد ئەرا وەرگردن ئاگادارکردنە لەیجویرە باوەتەیلیگ، و هەزاران ئاگادارکردن ئەرای رەسیە.