شەفەق نيوز/ سەرچەوەیگ پزشکی لە فەرمانگەی تەندروسی نەینەوا، ئمڕوو چوارشەممە، خەوەردا لە توومارکردن تویشهاتن نوویگ وە تەو خوینوەربوین لە شار موسڵ، وتیش: ئەو خانم بیمارە ئیرنگە لە خەسەخانەی شفا خەفتیە.
سەرچەوەگە ئەرا ئاژانس شەفەق نیوز وت: خەسەخانەی شفا لە موسڵ، رووژ دووشەممە، بیماریگ وەرگرد گومان لە تویشهاتنی وە تەو خوینوەربوین بویە، لە ئەنجامی نموونەیگ لە بیمارەگە ئەرا تاقیکردنەزەی تەندروسی گشتی ناوەندەی لە بەغداد کلکریا.
وتیش: ئەنجام وەشکینەگە ئمڕوو چوارشەممە گلەو خوارد، کە تویشهاتن ئەو خانمە وە تەو خوینوەربوین وەشیوەیگ فەرمی ئاشکرا کرد، وتیش: بیمارەگە خەڵک گەڕەک نەهرەوانە لە قەزای موسڵ، و تەمەنی 48 ساڵە.
سەرچەوەگە دووپات کرد کە بیمارەگە کەفتیەسە ژیر چەودیاریکردن پزشکی لەناو خەسەخانە، وەگورەی پرۆتۆکۆل تەندروسی.
ئی تویشهاتنە لە وەختیگ تیەێد کە لایەنەیل تەندروسی پەسا کەفنە شوین نشانەیل پەتایی و جیوەجیکردن ریکارەیل ئەرا نواگیریکردن لە بڵاوبوین بیماریەگە.