شەفەق نیوز/ دوو پۆلیس لە وەڕێوەبەرایەتی شارستانی، ئمڕوو چوارشەممە، گیان لەدەسدان لەوەخت ئەنجامدان ئەرکەیلیان لە کپەوکردن ئاگریگ کە لەناو دوو شوقەی نیشتەجیبوین لەناوڕاس بەغدا هیزگردوی.
سەرچەوەیگ ئەمنی وە ئاژانس شەفەق نیوز وت "دوو ئەنداماگە تویش زەخمداری گەپیگ هاتنە لە ئەنجام سزیان و تاسیان مەوقەی تەقەلایەیلیان ئەرا کۆنترۆلکردن بلویزەی ئاگر شوقەگە لە ناوچەی جادە حەیفا ناوڕاس بەغدای پایتەخت، لە ئەنجام بویە مدوو مردنیان وەبان ئەوەگ تەقەلایەیل فریاکەفتن ئەرایان ئەنجام دریاس".
وەزارەت ناوخوەی لە بەیاننامەیگ رەسیە ئاژانس شەفەق نیوز راگەیان، "وە خوسە و دڵتەنگیەیو، خەوەر شەهیدبوین پۆلیس گرێبەس سادق عەباس حەتاب لە وەڕێوەبەراەت وەرگیری شارستانی و کۆمیسار سەف خەماس عاتی لە فەوج فریاکەفتن پۆلیس بەغدا وەپیمان رەسی".
لە بەیاننامەگەی هاتییە، هیوای خاسەوبوین ئەرا ملازم حەیدەر عەلی حسێن لە وەڕێوەبەرایەتی وەرگیری شارستانی خوازم لەوەخت ئەنجامدان ئەرک خوەی لە کپەوکردن رویداویگ هیزگردن ئاگر دوو خێزان لەناو دوو شوقە قورتارکرد.