شەفەق نيوز/ عەبدولقادر دخیل پارێزگار نەینەوا، شەفەق ئمڕوو سێشەممە، دووپات کرد کە تیمەیل وەرگری شارستانی ئاگریگ لە ناوچەی پیشەسازی لای چەپی موسڵ کپەو کردن، وەبی توومارکردن زەخمداری.
دخیل ئەرا ئاژانس شەفەق نیوز وت: ئاگرەگە لە ئەنجام رویداویگ هاتوچو هیزگرد، کە رانندە باڵهەڵگر ملهڕیگ بویە هوکاری، هەناێ داد لە ستوین کارەبا، وستوینەگە رمیا و ماشینەگە لەدەس دەرچگ و چگە ناو یەکیگ لە گەراژەیل.
وتیش: کەفتن ستوین کارەباگە شۆرتیگ کارەبا لەلی بویەو، لە ئەنجام بڕیان تەڵەیل کارەبا، کە بویە مدوو سزیان پەنج ماشین بارهەڵگر لەناو گەراژەگە، وتیش؛ تیمەیل وەرگری شارستانی وەزوی رەسینە شوین رویداوەگە و توەنستن ئاگرەگە کپەو بکەن و نەیلن بڵاو بوود، وەبی توومارکردن زەخمداری کەسیگ.
دخیل دووپاتیش کرد کە دەسەڵاتەیل لێکۆڵینەوە ئەرا رەسین وە بندروس رویداوەگە واز کەن، و ئەرا جیوەجیکردن ریکارەیل یاسایی، وەگەرد دووپاتکردن لە گرنگی پابەندبوین وە پەیمانەیل بیوەیی گشتی.