شەفەق نيوز/ سەرچەوەیگ ئەمنی لە بەغداد، ئمڕوو جمعە، خەوەردا کە پیاییگ لە ئەنجام دەمەقاڵیگ خیزانی خوەی کوشت، و کەسیگ ماسیگر لە دیالە وە کارەبا گیانی لەدەسدا.
سەرچەوەگە ئەرا ئاژانس شەفەق نیوز وت: زانیاری رەسیە لە رویداویگ خوەیکوشتن لە حەی زەهرا لە قەزای نەهرەوان باشوور خوەرهەڵات بەغداد، و روی وەرەو شوین رویداوەگە و تەرم پیاییگ پەیا کریا کە وە گولە دریاسە سەری.
وتیش؛ وەگورەی پسپۆڕ بەڵگەنامەیل تاوانی، ئەو پیاوە لەناو ماڵەگەی خوەیکوشتیە، لە ئەنجام دەمەقاڵیگ وەرد کەسوکارەیلی، و دەوانچە لە شانی پەیا کریا، وتیش: تەرمەگە ئەرا پزشک دادوەری بریا، ئەرا تەواوکردن ریکارەیل یاسایی.
لە دیالە، سەرچەوەیگ ئەمنی ئەرا ئاژانس شەفەق نیوز خەوەردا لە پەیاکردن تەرم کەسیگ ماسیگر دویای بیسەروشوینی دویەکە، دیاری کرد کە ئەو ماسیگرە مەوقەی ماسیگردن تویش تەزیان کارەبا هاتیە و لە بەلەمەگە کەفتیەسە ناو چەم نارین لە ناحیەی ڤەرەتەپە باکوور خوەرهەڵات دیالە.