شەفەق نیوز/ سەرچەوەیگ ناوخوەیی لە سەڵاحەدین، ئمڕوو پەنجشەممە، ئاشکرایکرد پاسەوانیگ ئەمنی وەبان دەس ماموسایگ لە کۆلێژ پەروەردەی وەرزشی کوشیا، هەنای لە پەیوەنیگ "سێکسی" وەرد یەکیگ لە خوەنەوارەیلی لەناو کەمپ زانکۆ گیریا.
سەرچەوەگە وە ئاژانس شەفەق نیوز خەوەردا "ماموسایگ لە کۆلێژ پەروەردە وەناو (ع. ف. ع) لە زانکۆی تکریت پەیونی وەرد دویەتە خوەنەواریگیداشتیە لەناو زانکۆ لەناو ماشین وەگەردیا لە بارودۆخیگ سێکسی گیریاس لەناو کەمپ زانکۆگە، ئاسایش زانکۆ لە بارودۆخەگە خەوەردار کریاس".
وتیش "کوڵە دانریاس ئەرا دەسگیرکردن ماموسا و خوەنەوارەگە لەو بارودۆخە، باوجی ماموساگە تێبینی ئاسایش زانکۆگە کەێد و یەکیگیان وە ناو (ع. م. الجميلي) تلنێد و لە کوڵەگە واد" وتیش "ئەندامە ئەمنیەگە تویش خوینوەربوین ناوەکی بویە وەی مدووە لە خەستەخانە گیان لەدەسدا".
دووپاتکرد "هێزەیل ئەمنی ماموساگە دەسگیرکردن ئیرنگە هاژیر لێکۆڵینەوە".