شەفەق نيوز/ وەڕیەوبەرایەتی کشتوکاڵی بەسەرە، ئمڕوو سێشەممە، ئاشکرای مدووەیل بەرزەوبوین نرخ تەماتە و بەشیگ لە بەرهەمەیل کشتوکاڵی لە بازاڕەیلی، وتیش؛ وەرز چنین تەواو بوی و بەرهەم ناوخوەیی بەش خوازینەیل بازاڕ نەکرد.
هادی حسێن وەڕیەوبەر کشتوکاڵی ئەرا ئاژانس شەفەق نیوز وت: تەواوبوین وەرز کشتوکاڵی و چنین تەماتە نرخی لە بازاڕەیل بەرزەو کرد، کە ئمڕوو نرخ یەک تەن تەماتە رەسیە 4100 دينار، وەگەرد هەناردەکردن بەشیگی ئەرا ئەو پارێزگایەیل.
حسێن وتیش؛ وەردەوامی بەسیان سنوور لە وەردەم بەرهەمەیل کشتوکاڵی هیشت نرخەگە بەرزەو بوود، دیاری کرد کە بەرهەم ناوخوەیی تەمامە لە پارێزگای بەسرە رەسیە زیاتر لە 550 هەزار تەن، ئەوەیش بەش خوازینەیل بازاڕ تا کۆتایی مانگ پەنج نیەکەێد.
لەلاییگ ترەک، نوێنەرەیل پارێزگای بەسرە پەیام زبریگ ئەرا حکومەت عراق وە بەڵگەنامەی فەرمی کلکردن، لەناوی داوای وازکردن مەرز سنووری شەلامچە وەرد ئیران کردن لەنوای چشتەیل هاوردە.
ئەو بەڵگەنامە کە رەسیە ئاژانس شەفەق نیوز نشان دا کە (گشت ریکارەیل یاسایی و دەستووری تەواو کردیمن، وەلێ وەزیر کشتوکاڵی و بەشیگ لە وەرپرسەیل رازی لە وازکردن مەرزەگە نیین).
دویەکە دووشەممە، ئەنجومەن ئابووری وەزارەتی رەزامەنی لەبان وازکردن هاوردەی تەماتە و پەتاتە راگەیان.