شەفەق نيوز/ سەرچەوەیگ ئەمنی، ئمڕوو دووشەممە، خەوەردا کە 9 کەس وەناو سێ ماشین هەڕەشەی کەسیگ دانە ئەوسا کاری سڵاکار ئەمنی بویە لە پەرلەمان عراق، و پەرچەم هووزیگ ئەرای بەرزەو کردنە و دروشمەیل هووزانە لەڕویی وتنە، ئەوەیش لە ناوچەی غەزالیە لە بەغدای پایتەخت.
سەرچەوەگە ئەرا ئاژانس شەفەق نیوز وت: ئەو کەسەیلە دەسگیر کریان، و ئاشکرا کردن کە مرافەیگ هووزانەی کویەنیگ وەگەرد ئەو کابرا دیرن، پەیوەندی وە پرس کوشتن دیرێد.
سەرچەوەگە وتیش: ریکارەیل یاسایی وەگەردیان جیوەجی کریا.
هەمیش لە بەغداد، سەرچەوەیگ ئەمنی خەوەردا لە زەخمداری فەرمانبەریگ لە وەزارەت خوەنستن باڵا وە تەقەکردن کەسەیلیگ نەناسیای لە ناوچەی مەعالف باشوور خوەرئاوای بەغدا.
سەرچەوەگە وتیش تاوانبارەیل وەرەو شوین نادیاریگ واینە، وەبی زانستن هووکارەگەی.
لە رویداویگ ترەک، سەرچەوەگە خەوەردا لە تەقەلای خوەیکوشتن ژنیگ لەداڵگبوی ساڵ 2005، کە هاتیە وە نەفت چەرمگ لەناو ماڵەگەی لە ناوچەی حسێنیەی باکوور بەغدا خوەی بسزنێد.
وەگورەی سەرچەوەگە، دویەتەگە تویش سزیان سەختیگ هات، و باوانی سکاڵا وەبان شویەگەی توومار کردن.