شەفەق نیوز/ دەسەی کەشناسی و زەویلەرزەناسی عراق، راگەیان لەماوەی مانگ ئازار گوزەشتە ئمساڵ 46 زەویلەرزە و هازەیل جیاواز وڵاتەگە لەرزانییە.
لە ئامار مانگانەی دەسەی کەشناسی و زەویلەرزەناسی عراق هاتیە، لە ماوەی مانگ گوزەشتە 47 لرزە توومارکریاس کە 46 یان لە ناوخوەی عراق بوین.
دیاریکرد، چالاکی لەرزەیل لە پارێزگای دیالە قەزایەیل خانەقین و کفری بوین، کە 21 لەرزە لەناویان رویدایە، دویای سلێمانی تێد وە 17 زەویلەرزە.
زەویلەرزەیگ لە هەولێر و دووانیش لە دهۆک و پارێزگای نەینەوا و کەرکوک و میسان و سەڵاحەدین یەکی یەک جار لەرزە لەناویان رویدایە
لە بڕ ئەو لەرزەیلە له مانگ وەرین رویدان هویج زەردیگ گیانی و مادی وە دویای نەویە.