شەفەق نیوز/ زیاد عەلی فازڵ وەزیر کارەبای عراق، ئمڕوو چوارشەممە، گردەوبوینیگ وەرد کۆمپانیای سیمنز (Siemens) ئەڵمانی ئەنجام دا، وە ئامادەبوین بڕیگ لە وەڕیەوبەرەیل گشتی لە وەزارەتەگە.
نویسینگەی راگەیاننی لە بەیاننامەیگ رەسیە ئاژانس شەفەق نیوز وت: باس کارەیل ئەو کۆمپانیا کریا کە لە کەرتەیل گواستنەوەی وزە و تووڕویل بەشەوکردن ئەنجام دەێد.
وەزیر دووپات کرد کە هاوکاری ستراتیژی وەرد کۆمپانیایل دێرین جەهانی جویر سیمینز پەشتبەسین سەرەکیە لە پلانەیل وەزارەت ئەرا نووەوکردن ژیرخانی کارەبا و خاسەوکردن توانای تووڕەیل نیشتمانی.
دیاری کرد کە نووڕیمنە فراوانکردن ئاسوو هاوکاری تەکنینکی و هاوردن ئەزموونەیل گەشەکردگ لە وزەی نووەوبوی و تەکنیک تووڕەیل زیرەک، کە دەسمیەتی لە پاڵپشتیکردن توانای کادرەیل وەزارەت دەێد و ئاڵشتبوینیگ چوینیەتی لە کەرت کارەبا وەدەس تیەرێد.
لەلای خوەییش، شاند کۆمپانیای سیمینز پیشکەشکردن پشتگیری ئەرا وەزارەتەگە لە پڕۆژەیلی ئەرا گەشەپیدان کەرت وزە خستە وەردەس، وەگەرد ئەزموون و تەکنیکەیل کۆمپانیاگە لەی چینە.
هاوکاری ناوەین عراق و کۆمپانیای سیمینز ئەڵمانی گەشەی وەرچەویگ لە کەرت کارەبا وەخوەی دی، کە لە ساڵ 2023ەو تا ئیسە چەن گریەبەسییگ ئەنجام دریاس لە ژیرخانی کارەبا.