شەفەق نیوز/ سەرچەوەیگ ئەمنی، ئمڕوو یەکشەممە، خەوەردا کە کەسەیلیگ نەناسیای، چگنە ماڵ فەرمانبەریگ حکومەتی و کوشتنەسەی، لە ناوچەی براکیە، لە پارێزگای نەجەف.
سەرچەوەگە ئەرا ئاژانس شەفەق نیوز وت: کەسەیلیگ نەناسیای، چگنە ناو ماڵ فەرمانبەریگ لە کارخانەی چیمەنتوو کووفە، لە ناوچەی براکیەی ناوڕاس شار نەجەف، و وەچەقوو تیژیگ و چشتیگ دریاسە بان سەری کوشتنەسەی.
سەرچەوەگە وتیش: بکوشەیل وەرەو شوین نادیاریگ واینە.
وتیش: هیزیگ ئەمنی رەسیە شوین رویداوەگە، و تەرمەگە ئەرا پزشک دادوەری برد، و لێکۆڵینەوە لە رویداوەگە واز کریا.