شەفەق نیوز/ فەرماندەیی پولیس پارێزگای زیقار، ئمڕوو سێشەممە، دەسگیرکردن ژنیگ راگەیان کار جادووبازی کەێد.
فەرماندەییەگە لە بەیاننامەیگ رەسیە ئاژانس شەفەق نیوز وت: لە وەردەوامی ریکارەیل ئەمنی کە لیوا نەجاح عابدی فەرماندەی پولیس زیقار لەبانیان دووپات کەێد، و لە بنەمای زانیاریەیل هویردیگ، بەش دژەتاوان وە هەماهەنگی وەرد ئۆپراسیۆنەیل هاوبەش، و سریەی ژنانە لە پولیس زیقار، توەنستن ئەو ژن توومەتبارە وەناو (ن. ع. ش) دەسگیر بکەن مەوقەی جیوەجیکردن تاوان جادووبازی، و کەرەستەیل جادوو وەپی گریا.
فەرماندەیی پولیس دووپات لە جیوەجیکردن ریکارەیل یاسایی وەگورەی مادەی 240 لە یاسای سزادان عراقی وەگەرد ئەو ژن جادووبازە جیوەجی کریا.