شەفەق نیوز/ سەرچەوەیگ ئەمنی، ئمڕوو دووشەممە، خەوەردا لە وەردەوەردەیگ ناوەین باوگ و کوڕیگ لە ناوچەی زاعفەرانیە باشوور خوەرهەڵات بەغداد، کە رەسیە ئەوە کە کوڕەگە چەقوو لە باوگی کیشا.
سەرچەوەگە ئەرا ئاژانس شەفەق نیوز وت: کوڕەگە چەن چەقوویگ داد لە پشت و سەر باوگی، کە وە سەختی زەخمداری کرد، ئیجا پەنا وە وایین برد، وتیش: باوەگە ئەرا خەسەخانە بریا.
لە رویداویگ ترەک، سەرچەوەگە وتیش: پیاییگ لەداڵگبوی ساڵ 1984 وە گولەی دەوانچە خوەی کوشت، و دیاری کرد کە تەرمەگە ئەرا پزشک دادوەری بریا، و لێکۆڵینەوە لە رویداوەگە واز کریا.
شار سەدر، لە خوەرهەڵات بەغداد، رویداویگ ترەک توومار کرد، کە چەکدارەیلیگ نەناسیای تەقە لە کابرایگ کردن وە کووڵ ماتۆرسکیڵ بوی لە قەتاع 47، کە وەکوتپڕ کوشیا، دیاری کرد کە دەزگایەیل ئەمنی کەفتنەسە مینەی بکوشەیل.
لە رویداویگ ترەک، سەرچەوەگە وت: گەنجیگ لەداڵگبوی ساڵ 1993 وە (دەورمل) وەقەی قەواسەی ژوورەگەی خوەی دادە سێدارە، و هیمان مدووەیل خوەیکوشتنی نەزانیاس، و دەسەڵاتەیل لێکۆڵینەوە کەن.