بەغدا - INA
سەرۆکی ئەنجومەنی وەزیران، عەلی فالح زهیدی، ئەمڕۆ چوارشەممە جەختی لەسەر پێویستیی هەوڵی جددی، لەسەر ئاستی هەرێمی و نێودەوڵەتی، کردەوە بۆ کۆتاییهێنان بە قەیرانەکان لە ڕێگەی دیالۆگ و پەیوەندییەوە.
نووسینگەی ڕاگەیاندنی سەرۆکی ئەنجومەنی وەزیران، لەراگەیندراوەكەدا كه بۆ ئاژانسی هەواڵی عێراقی(INA) نێردراوه تێیدا هاتووه: "سەرۆکی ئەنجومەنی وەزیران عەلی فالح زهیدی، پێشوازی لە باڵیۆزی بەریتانیا لە عێراق، عیرفان سدیق کرد."
ڕاگەیەندراوەکە ئاماژەی بەوەش کردووە کە "لە کۆبوونەوەکەدا تاوتوێی پەیوەندییە دوقۆڵییەکان و گرنگیی کارکردن بۆ بەهێزکردن و پەرەپێدانیان لە بوارە جیاوازەکاندا کرا، بە شێوازێک کە بەشدار بێت لە بەدیهێنانی بەرژەوەندییە هاوبەشەکانی هەردوو وڵاتی دۆستدا."
ههروهها ئهوهیش هاتووه كه"زهیدی بە ناوی عێراقەوە، حکومەت و گەل، پیرۆزبایی خۆی دووپاتکردەوە بە بۆنەی وەرگرتنی پۆستی سەرۆکایەتی حکومەتی بەریتانیا لەلایەن ئاندی بێرنهام، هەروەها ئاماژەی بە پێشهاتەکانی ناوچەکە کرد، و جەختی لەسەر پێویستیی هەوڵی جددی کردەوە، لەسەر ئاستی هەرێمی و نێودەوڵەتی، بۆ کۆتاییهێنان بە قەیرانەکان لە ڕێگەی دیالۆگ و پەیوەندییەوە، بە جۆرێک کە کار بكات بۆ دوورکەوتنەوە لە بەردەوامبوونی جەنگ کە مەترسی لەسەر ئاسایش و سەقامگیریی ناوچەکە و جیهان دروست دەکات."
