بەدواداچوون – INA
سوپای لوبنان، ئەمڕۆ سێشەممە، دەستی کرد بە بڵاوبوونەوە لە ناوچە تاقیکارییەکان لە باشووری وڵات.
ئاژانسی هەواڵی فەرەنسی ڕایگەیاند: "تیمەکانی سوپای لوبنان دەستیان کردووە بە بڵاوبوونەوە لە ناوچەی زۆتەری ڕۆژئاوا لە چوارچێوەی هەنگاوەکانی جێبەجێکردنی ڕێکخستنە ئاسایشییەکانی ئیمزاکراوی نێوان (ئیسرائیل) و لوبنان، لە سێ شارۆچکە کە دەکەونە باشووری لوبنان".
ئاژانسەکە ڕوونیشیکردەوە: "هێزەکانی سوپای لوبنان پرۆسەی بڵاوبوونەوەیان لە ناوچەی زۆتەری ڕۆژئاوا دەستپێکردووە"، و ئاماژەی بەوەشکرد: "تیمەکانی ئەندازیاری سەر بە سوپای لوبنان دەستیان بە کارکردن کردووە بۆ پشکنینی شەقامەکانی زۆتەری ڕۆژئاوا لە تەقەمەنی و پاشماوەکانی هێزەکانی داگیرکەری (ئیسرائیل)".
وەزارەتی دەرەوەی ئەمەریکاش دوێنێ "دەستپێکردنی یەکەمین هەنگاوەکانی راگەیاند بۆ جێبەجێکردنی ڕێکخستنە ئاسایشییەکانی ئیمزاکراوی نێوان ئیسرائیل و لوبنان لە سێ شارۆچکە کە دەکەونە باشووری لبنان".
ڕوونیشی کردبووەوە کە "ناوچەی تاقیکاری لە گوندەکانی فرۆن، صریفاوە، و زۆتەری ڕۆژئاوا دروستکراون لە چوارچێوەی ڕێککەوتنێکی سێقۆڵی کە ویلایەتە یەکگرتووەکان وەک لایەنی دەستەبەرکەر دەگرێتەوە"، و دیاریشی کردبوو کە بەردەوام دەبێت لە کارکردن لەگەڵ هەردوو لایەنەکە بۆ دەستەبەرکردنی جێبەجێکردنی بڕگەکانی ڕێککەوتنەکە.
