بەدواداچوون - INA
ئەمڕۆ دووشەممە، سەرۆک کۆماری ئێران، مەسعوود پزیشکیان، جەختی کردەوە لەسەر نەکردنی هیچ سازشێک لە یاداشتی لێکتێگەیشتن لەگەڵ واشنتن، هاوكات ڕوونی کردەوە کە زۆربەی بەندەکانی لە بەرژەوەندیی ئێمەدا بووە.
پزیشکیان لە لێدوانێکی ڕۆژنامەوانیدا ڕایگەیاند: "ئێمە لە هیچ کام لە ماف، بەرژەوەندی و بنەماکانمان لە بەندەکانی یاداشتی لێکتێگەیشتنەکە پاشەکشە ناکەین، و هیچ سازشێکمان لە یاداشتەکەدا نەکردووە، بەڵکو زۆربەی لە بەرژەوەندیی ئێمەدا بووە و بەرژەوەندییەکی یەکلایەنە بۆ واشنتن بەدی ناهێنێت".
ئاماژەی بەوەشکرد کە "ئێمە ئەمڕۆ زیاتر لە هەر کاتێکی دیکە پێویستمان بە یەکڕیزی، هاوپشتی و بڕیاردانە لەسەر بنەمای حیکمەتی بەکۆمەڵ، و شەڕی ئەمڕۆ تەنها موشەک نییە، و دوژمنیش درکی بە دەستەوەستانیی خۆی کردووە لە ناچارکردنی گەلەکەمان بۆ خۆبەدەستەوەدان لە ڕێگەی هێرشی سەربازییەوە".
ئاماژەی بەوەشکرد کە "گوشارە ئابوورییەکان ڕەنگە زیان بە دەستکەوتە سەربازییەکانمان و ئەو سەرمایە کۆمەڵایەتییە گەورەیە بگەیەنن کە بنیاتمان ناوە"، ڕوونییشی کردەوە کە "وڵاتەکەمان لە دۆخی شەڕدایە و ناتوانرێت کاروباری وڵات بە ڕێسا و ڕێگا تەقلیدییە کۆنەکان بەڕێوە ببرێت".
