بەغدا – INA
وەزارەتی پەروەردە، ئەمڕۆ پێنجشەممە، وادەی ڕاگەیاندنی ئەنجامەکانی پۆلی ١٢ی ئامادەیی دیاری کرد و ئاماژەی بەوە دا کە هەفتەی داهاتوو ئەنجامەکان ئامادە دەبن.
کەریم سەید، وتەبێژی فەرمیی وەزارەتی پەروەردە، بە ئاژانسی هەواڵی عێراقی (INA)ی ڕاگەیاند: "پڕۆسەکانی پشکنین و وردبینیکردنی دەفتەری تاقیکردنەوەکان تا ئێستاش لە ناوەندەکانی پشکنین لەژێر چاودێریی لیژنەی هەمیشەیی تاقیکردنەوەکاندا بەردەوامن." ڕوونیشیکردەوە کە تا ئێستا وەزارەت ڕۆژێکی دیاریکراوی بۆ ڕاگەیاندنی ئەنجامەکان دەستنیشان نەکردووە.
وتەبێژەکە جەختی کردەوە: "بە شێوەیەکی گشتی، ئەنجامەکان لە هەفتەی داهاتوودا ئامادە دەبن"؛ ئاماژەی بەوەش کرد کە شێوازی بڵاوکردنەوەی ئەنجامەکان هاوشێوەی پۆلی ٩ (سێیەمی ناوەندی) دەبێت و لە ڕێگەی کۆدی نهێنیی خوێندکارانەوە بڵاودەکرێنەوە.
لە کۆتاییدا، کەریم سەید داوای لە خوێندکاران و کەسوکاریان کرد کە تەنها پشت بە پلاتفۆرمە فەرمییەکانی وەزارەت ببەستن بۆ وەرگرتنی هەواڵ و زانیارییە دروستەکان.
