بەدواداچوون – INA
ئەمڕۆ دووشەممە، ڕۆژنامەی "زە ناشناڵ ئینترست"ی ئەمریکی، دووپاتی کردەوە کە تیمی سەرۆکی ئەمریکا دۆناڵد ترەمپ گەشبینییەکی گەورە نیشان دەدەن بەرامبەر بە پاشەڕۆژی پەیوەندییەکان لەگەڵ عێراقدا، ڕوونیشی کردەوە کە ترەمپ هیوای خواستووە پێگەی عێراق بە سەرکردایەتیی سەرۆک وەزیران عەلی فالح زەیدی وەک هاوبەشێکی جێی متمانەی ویلایەتە یەکگرتووەکان بچەسپێنرێت.
ڕۆژنامەکە لە ڕاپۆرتێکدا کە ئاژانسی هەواڵی عێراقی (INA) بەدواداچوونی بۆ کردووە، ڕایگەیاندووە: "هەوڵەکانی سەرۆک وەزیران عەلی زەیدی لە ڕووبەڕووبوونەوەی گەندەڵیدا، پاڵپشتیی ئەمریکا و وڵاتانی ڕۆژئاوای بەدەستهێناوە"، ئاماژەی بەوەشکردووە کە "پێشکەوتن لە دۆسیەی سنووردارکردنی چەک لە دەستی دەوڵەتدا بەدیهاتووە، ئەمەش لەپاڵ گرتنەبەری ڕێوشوێنەکان بۆ سنووردارکردنی قاچاخچێتی بە دۆلارەوە".
ئاماژەی بەوەشکرد کە "دیداری چاوەڕوانکراوی نێوان زەیدی و ترەمپ ڕەنگە ببێتە سەرەتای وەرچەرخان و بەشێکی نوێ لە پەیوەندییەکانی نێوان عێراق و ئەمریکادا"، جەختیشی کردەوە کە "ئەو دەستکەوتانەی لە ماوەیەکی کورتی دەستبەکاربوونی زەیدی وەک سەرۆک وەزیران بەدیهاتوون، گەشبینیی ئیدارەی ترەمپ بەرامبەر بە ئەدای کارەکانی بەهێزتر دەکات".
